P. Diddy MUMAGAMBO YE ATI KUBA NTARASHYINGIRANYWE NA Kim Porter NIRYO KOSA NISHINZA RIKOMEYE NAKOZE

P. Diddy MUMAGAMBO YE ATI KUBA NTARASHYINGIRANYWE NA Kim Porter NIRYO KOSA NISHINZA RIKOMEYE NAKOZE

Ku wa 15 Ugushyingo 2018, Umunyamideli Kim Porter wakundanye na P. Diddy imyaka 13 bakabyarana abana batatu, yasanzwe mu nzu ye i Los Angeles muri Leta Zunze Ubumwe za Amerika yapfuye.

Urupfu rw’uyu mugore wakundanye na P.Diddy igihe kinini rwashenguye benshi. Kim Porter wari ufite imyaka 47, yapfuye yari amaze iminsi arwaye indwara zirimo izo mu buhumekero.

P. Diddy MUMAGAMBO YE ATI KUBA NTARASHYINGIRANYWE NA Kim Porter NIRYO KOSA NISHINZA RIKOMEYE NAKOZE

P. Diddy ari mu batarahwemye kugaragaza amarangamutima yatewe n’urupfu rw’uyu mugore. Kuri iki Cyumweru yashyize ku rukuta rwe rwa Instagram ari kumwe na Kim Porter arangije ashyiraho akamenyetso kerekana ko yashengutse umutima.

Umwe mu bamukurikira yahise ajya ahatangirwa ibitekerezo avuga ko Kim Porter akiriho uyu mugabo atigeze yifuza gushyingiranwa na we. Ati “Igihe yari ariho ntiwigeze wifuza gushyingiranwa nawe. Biteye urujijo.”

P. Diddy mu gusubiza yagaragaje ko nawe yihemukiye, ati “Ndabizi. Naribeshye”.

Kim Porter yakundanye na P. Diddy kuva mu 1994, mu rukundo rwabo akenshi bagiye bakunda gushwana bakongera bakiyunga ariko mu 2007 ruza kugera ku ndunduro.

P. Diddy MUMAGAMBO YE ATI KUBA NTARASHYINGIRANYWE NA Kim Porter NIRYO KOSA NISHINZA RIKOMEYE NAKOZE

Bari bafitanye abana batatu barimo impanga z’abakobwa zavutse mu 2006, Jessie James na D’Lila ndetse n’umuhungu witwa Christian wavutse mu 1998.

Yari afite undi mwana witwa Quincy Brown yabyaranye n’umuhanzi Al B. Sure! Bakundanye mbere ya P. Diddy.

Kim Porter yapfuye amaze iminsi mike we na P. Diddy n’abana bagaragaye mu ruhame bari kumwe ubwo umuhungu w’imfura w’uyu mugore witwa Quincy Brown yamurikaga filime yitwa Holiday Calendar.

Ibitekerezo (0)

Andika Icyo Ubivuga Ho